töfraleikhúsið

2007-01-07T23:32:00.000Z

2006-08-25T18:46:00.000Z

Star Wars Cantina By Richard Cheese!

Draumur

2006-08-11T18:02:00.000Z

Þetta dreymdi mig í nótt

Við ákváðum að labba í gegnum skóginn niður að vatninu. Við löbbuðum út á nes nokkurt og biðum í fjörunni. Ég vissi ekki nákvæmlega eftir hverju við vorum að bíða, en það var eitthvað magnað, eitthvað stórkostlegt, eitthvað yfirnáttúrulegt. Það var einhver dulmagnaður kraftur sem lá yfir vatninu en eitthvað hættulegt bjó í loftinu. Skyndilega sneri hann sér að mér og sagði: -varstu búinn að átta þig á þessu-, og benti yfir öxlina á bakvið sig. Ég hrökk í kút því þar hékk niður úr trjánum lík af manni á löppunum, blóð lak úr vitum hans. Í eitt augnablik áttaði ég mig ekki á því hver þetta var en allt í einu rann upp fyrir mér ljós, þetta var hann! -Já þetta er ég-,sagði hann, og um leið og hann mælti þetta sveipaðist andlit hans djöfullegu glotti. Ég gjörsamlega fraus þar sem ég stóð í fjörunni og kaldur sviti lak niðreftir mjóbakinu. Hann stóð þráðbeinn og glápti á mig með þessum ójarðneskjulega svip og skyndilega byrjaði hann að dragast ofaní vatnið hægt og rólega, ennþá þráðbeinn eins og vofan sem hann var. Að lokum hvarf hann alveg og það síðasta sem ég sá var þetta tryllingslega, ójarðneskjulega, djöfullega glott.

Og by the way í draumnum var ég hinn maðurinn, sem sagt draugurinn. Ég vaknaði þegar ég var kominn á kaf í vatnið

2006-08-03T15:57:00.000Z

Lífið á fjöllum

2006-08-02T15:40:00.000Z

Og einu sinni var...

2006-06-27T14:10:00.000Z

Ég veit að það muna fleiri eftir þessum

2006-06-27T13:45:00.000Z

Bangsi Bestaskinn

Man einhver eftir þessu?

2006-06-25T14:08:00.000Z

Mysterious cities of gold

Útlaginn

2006-05-19T14:11:00.000Z

Yfir holt og himnasængur
hef ég reikað daga og nætur
ég er stór á rauðum hesti
ég er stríðsmaðurinn besti

Jú þetta var hann...

2006-05-17T13:59:00.000Z

...eins og Binni gat réttilega uppá. Myndin hér að neðan var tekinn í Abbey Road hljóðverinu þegar meðlimir Pink Floyd voru að taka upp plötuna Wish you were here. Dag nokkurn er þeir voru að hljóðblanda lagið Shine on you crazy diamond, sem fjallar um Syd Barrett, labbar einhver náungi inn í hljóðverið og sest í sófa eins og ekkert sé. Þeir pæla ekki mikið í honum til þess að byrja með en eftir um 10 mínútur átta þeir sig á því að þetta er gamli vinur þeirra Syd, sem þeir höfðu ekki séð í mörg ár. Þessi töffari á myndinni hér að ofan var búinn að raka af sér allt hárið, augnabrúnirnar og bæta á sig allnokkrum kílóum, því lítið annað hafði hann fyrir stafni en að borða mat og glápa á sjónvarpið. Gömlu félögum hans var augljóslega brugðið og sagt er að Roger Waters hafi brostið í grát. Syd eyddi deginum í hljóðverinu og hlustaði aftur og aftur á lagið sem samið var um hann. Um kvöldið hvarf hann svo jafn skyndilega og hann hafði birst. Enginn meðlima Pink Floyd hafa hitt hann síðan.

Hver er þessi maður?

2006-05-15T22:37:00.000Z

Hálendingurinn

2006-04-24T22:34:00.000Z

Í dag þreif ég svefnherbergið meðan konan fór á jeppanum í verslunartúr og keypti gardínustöng. Þegar hún kom heim náði hún í hamar og tók óðar við að festa upp nýju gardínustöngina, ég var þá rétt að kasta mæðinni eftir klukkutíma ströng þrif. Í því koma gestir og ég fer og opna, gestirnir ganga inn og einn þeirra segir við Þóru er þau koma inní svefnherbergið ,,nei varstu að þrífa". Bara sísona eins og það sé bara sjálfsagt að konan á heimilinu sjái um öll þrif. Ég varð mjög móðgaður þar sem svitin lak enn af enni mínu eftir þrifin, sem ég var ,,by the way" mjög stoltur af. Einnig átti augljóst að vera að Þóra var ekkert að þrífa, hún hélt á hamar og nagla, hvernig þrífur maður með slíkum tólum?

Tveir á toppnum 2

2006-04-23T18:04:00.000Z

Í gær borðaði ég franska berjaköku

í dag borðaði ég ameríska súkkúlaðiköku

þær voru báðar mjög góðar

Tortímandinn 3

2006-04-22T12:00:00.000Z

stundum þegar ég vakna á morgnanna langar mig ekkert á fætur og vill helst liggja uppí rúmi fram á kvöld

stundum þegar ég vakna á morgnanna langar mig að stökkva uppúr rúminu og fara að gera eitthvað

ég held þetta hafi eitthvað með loftþrýsting að gera

Sagan endalausa

2006-03-07T21:14:00.000Z

Við Þóra horfðum á Óskarsverðlaunamyndina Crash fyrir nokkrum vikum og fannst ekki mikið til koma. Þóra meira að segja nennti ekki einu sinni að klára hana. Ég horfði þó á hana alla og ég verð að segja að mér fannst hún ekkert sérstök, hún var alltílagi en ekki mikið meira en það. Mér fannst hún klisjukennd, grunn og frekar fyrirsjáanleg. Sem dæmi var nokkuð fyrirsjáanlegt að lásasmiðurinn sem persóna Söndru Bullock treysti ekki vegna þess að hann var mexíkanskur eða eitthvað svoleiðis væri í reynd ekki einhver brjálaður gangster heldur elskandi faðir. Eins var augljóst að fordómafulla löggan sem Matt Dillon myndi sjá villu síns vegar á einhvern dramatískan hátt, þegar hann kom að bílslysinu þarna kom langt í frá á óvart að konan sem hann hafði "assfucked" kvöldið áður væri í bílnum. Og auðvitað átti svarti þjófurinn sem hélt langar ræður um að hann myndi aldrei nokkurn tíma ræna ,,bróður" eftir að gera það seinna í myndinni. Ég gæti haldið lengi svona áfram. Þetta var einhvern veginn allt svo mikil klisja og grunnt, þessi mynd sagði manni ekkert akkúrat ekkert. Ekkert nema það fólk er fordómafullt, hugsar fyrst og fremst um eigin rass og notar samfélagslegar kreddur til að koma vilja sínum fram. En hver vissi það ekki fyrir, fylgist fólk ekki með. Ég veit það ekki, ég er búinn að lifa á þessari í Jörð í 28 ár og sú lexía sem situr hvað fastast í mér er það að fólk er fordómafullt. Þessi mynd var ekki að gera neitt fyrir mig. Hún sagði frá vandamálinu en í henni fólst lítill skilningur.

Áðan fórum við á myndina sem allir héldu að myndi vinna, Brokeback Mountain, og ég get ekki fyrir mitt litla líf skilið af hverju sú mynd vann ekki Óskarinn. Það er bara óskiljanlegt. Menn tala um að Hollywood hafi ekki verið tilbúið fyrir samkynhneigð og ákveðið að taka á kynþáttafordómum þetta árið, kannski verður það samkynhneigð á næsta. Ef sú er raunin er það ótrúlega vond afsökun. Crash reynir að taka á kynþáttafordómum en gerir það ekki vel. Brokeback Mountain hins vegar fjallar um samkynhneigð á stórkostlegan og djúpstæðan hátt. Hún fjallar líka um ýmislegt annað heldur en samkynhneigð og á vissan hátt var það að þetta voru tveir karlmenn sem voru ástfangnir aukaatriði. Aðalatriðið var það ást þeirra gat ekki aldrei orðið. Crash var svo mikið að rembast. Ekki ætti að dæma eftir því sem innihaldið átti að vera heldur hvernig það raunverulega var. Þetta sannar bara þá staðreynd fyrir mér að Óskarsverðlaunin eru ekkert sérstakur pappír, og þeir sem þar stjórna eru grunnhyggnir vitleysingar, þó með hjartað á réttum stað.

Brokeback Mountain er falleg og raunsæ mynd um ást sem aldrei gat orðið. Sagan er listilega vel sögð og sérstaklega vel leikin af öllum sem í henni leika. Hún er laus við klisjur og tilgerðalega væmni. Það var ósjaldan sem mér vöknaði um augun og lokaatriðið er eitt harmþrungnasta atriði sem ég hef séð.

Rigning og jarðskjálfti og konan sefur uppí rúmi um miðjan dag

2006-03-06T17:00:00.000Z

Úff þvílík ísrignin sem bylur á glugganum, brrrr. Ég skrópaði í tímann sem ég átti að fara í áðan á grunndvelli þessarar ógeðslegu rigningar úti. Má ég þá heldur biðja um kuldann sem var um helgina, það er þó allavegana fallegur kuldi. Reyndar var ástæðan fyrir skrópinu líka sú að ég er ekki enn fullbúinn með þetta viðtal sem ég er búinn að vera að afrita í viku núna, ekki búinn að gera neitt annað og enn ekki búinn. Það er alveg ótrúlega merkilegt hvað maður er lengi að gera hlutina þegar maður hefur lítið að gera. Mikið óskaplega hlakkar mig til að fá mér vinnu í sumar eða haust og fara að gera eitthvað og tala við fólk í staðinn fyrir að tala við sjálfan mig og tölvuna allan daginn. Það er einnig skelfilegt hvað almennri tiltekt hefur hrakað gífurlega á heimilinu síðan ég byrjaði í skóla. Ég get svarið það að þegar ég var að vinna tíu tíma á dag og bjó einn þá var oftar vaskað upp og sett í þvottavél. Sjónvarpsgláp og tilgangslaust tölvuráp hefur einnig aukist og aukist. Ég man þegar ég var enn óharðnaður unglingur og átti ekki tölvu og hafði bara eina sjónvarpsstöð. Þá las maður bækur og sat við skriftir og hlustaði á plötur og málaði myndir og upphugsaði upp geðveikislegar hugmyndir um hvernig maður ætlaði að gera byltingu og svoleiðis. En nú er öldinn önnur og það merkilegasta við suma daga er að horfa á Friends þátt. Úff, hvað gerðist eiginlega. Var það kannski ástin? Jú að vissu leyti var það ástin, því þó ástin sé yndisleg og góð og sæt og ég gæti ekki hugsað mér lífið án hennar, þá er það einhvern veginn þannig að þegar maður var þessi unglingur þarna þá var maður alltaf einmana og miskilinn og uppfullur af depurð og lét sig dreyma um ástina, og núna þegar maður hefur fundið ástina, þá er maður ekki einmana og miskilinn og dapur og því hefur maður ekkert til að láta sig deyma um. Ég veit það ekki kannski er þetta bara veðrið. Ég ætla að fara núna og vaska upp, og sópa sameignina og ryksuga stofuna.

Ég hef enn ekki hitt Séra Jón.

2006-02-04T11:36:00.000Z

4 sjónvarpsþættir sem ég elska að glápa á:
Bones eru fínir því maður var farinn að sakna gömlu buffy félagana en samt komin með nett leið á að sjá þætti aftur en aldrei eitthvað nýtt.
Blegh ég er bara ekki heit fyrir neinum þáttum núna, kannski Lost og Supernatural.
Var líka að þræla mér í gegnum Office seríu I og II núna um jólin, en áður en ég sá Cristmas specialinn gat ég bara ekki horft á þetta, Cristmas specialinn gaf mér fyrriheit um að þetta mundi allt saman enda nokkuð vel og því gat ég loks pínt mig til að horfa á þessa þætti.

4 kvikmyndir sem ég get horft á aftur & aftur:
Bring it on
Dirty Dancing
Outsiders
Point break

4 heimasíður sem ég dinglast inn á daglega:
Daglega ha ha ha ok mánaðarlega:
Hugrún.is
Olla.is
Flak.is
Ruv.is

4 uppáhalds máltíðir:
Kjötsúpa
Ristaðbrauð með Hummus og rauðlauk og grænmeti
Kjúlli í ofni með tómötum gulrætum og kús kús
Grjónagrautur með kanelsykri og slátur

4 geisladiskar sem ég get hlustað á aftur & aftur:
Desire
After the gold rush
Sinister
Best of the Supremes

Kemur ekki á óvart svo sem

2006-01-22T22:04:00.000Z

You are a
Social Liberal
(66% permissive)

and an...
Economic Liberal
(5% permissive)

You are best described as a:

Socialist

Link: The Politics Test on Ok Cupid
Also: The OkCupid Dating Persona Test

5 bestu rokk ballöður allra tíma

2006-01-21T12:26:00.000Z

1. Steelheart - She´s gone

2. Bonnie Tyler - Total eclipse of the heart

3. Led Zeppelin - Stairway to heaven

4. Uriah Heep - July morning

5. Deep Purple - Child in time

Gleðilega hátið kæru vinir

2005-12-23T14:37:00.000Z

Fyndnustu plötucoverin: no. 1

2005-12-22T16:50:00.000Z

Herbie Mann - Push Push
Óumdeilanlegur sigurvegari. Olíuborinn með byssu á öxlinni, nei bíddu þetta er þverflauta. Titillin, uppstillingin, bringuhárinn og þverflautan gera þetta að fullkomnu coveri. Og tónlistin ekki síðri, ýmsir fönkslagarar eins og whats going on og shaft spilaðir óviðjafnanlega á þverflautuna. Meistaraverk.

Fyndnustu plötucoverin: no. 2 og 3

2005-12-21T16:08:00.000Z

The Ministers Quartet - Let me touch him
Butch Yelton & Upbound - Swing that Gospel Axe
Þessi tvö cover eiga það sameiginlegt að vera bæði cover á trúarlegum plötum. Þau eru fyndin af svipuðum ástæðum, fyndin titill, og myndirnar á covernum gera titlanna enn fyndari. Let me touch him hefur að sjálfsögðu þessa gay tilvísun sem er mjög fyndin þegar maður horfir á þessa stífu fifties herramenn. Og Swing that Gospel Axe er síðan svo fyndinn vegna þess að þau eru með exi á coverinu, það er svo spurning hvað þau ætli sér að gera með hana, líklega að slátra Myrkrahöfðingjanum og heiðingjum eins og mér.

Fyndnustu plötucoverin: no. 4

2005-12-20T14:40:00.000Z

The Handsome Beasts - Beastiality
Þessi maður hefur greinilega ekki mikla sjálfsvirðingu. Ég held að þetta sé eins manns hljómsveit gaursins á myndinni. Þetta er eitthvað early stöff hjá honum en ekki alls fyrir löngu kom hann með comeback og gaf út þessa plötu:

Magnaður gaur, það er svo spurning á hvorru coverinu hann er meira sexy?

Fyndnustu plötucoverin: no. 5

2005-12-17T22:49:00.000Z

Paddy Roberts - Songs for Gay Dogs

Hvað getur maður sagt?

eitt auka

2005-12-16T19:45:00.000Z

Richard & Willie - funky honkey, nasty nigger
Þetta komst ekki á listann en verður fá að fljóta með. Ég held að þessi gaur hafi tekið Richard Pryor einum of alvarlega. Það er spurning hvern hún sé að sjúga?

Fyndnustu plötucoverin: no. 6

2005-12-16T15:52:00.000Z

The Frivolous Five - Sour Cream and Other Delights
Veit ekkert um þessar hressu miðaldra konur, né get ég ímyndað mér hvernig tónlist er að finna á þessari plötu. Mörgum finnst fyndin svokölluð gay erotica. Ég kann betur við það sem hér sést, sem kýs að kalla heldri kvenna erótík, mjög skemmtilegt.

Fyndnustu plötucoverin: no. 7

2005-12-15T15:13:00.000Z

The Louvin Brothers - Satan is Real
Ég geri fastlega ráð fyrir að The Louvin Brothers séu strangtrúaðir bókstafsmenn og að platan sé uppfull af textum sem byggist á hræðslu gagnvart guði og að sjálfsfróun leiði til ófrjósemi o.s.frv. Titill plöturnar á því að gefa til kynna að myrkrahöfðingin sé raunverulegur og fólk skuli bara passa sig að haga sér rétt því annars komi hann og taki þau. Hins vegar gefur myndin til kynna að þeir séu hæstánægðir með Lúsífer og finnist hann svalur gaur og á andlitum þeirra eru brjálæðisleg glott sem segja: komið til okkar, það er svo miklu betra að vera vondur hahahahaha...

Fyndnustu plötucoverin: no. 8

2005-12-14T12:36:00.000Z

ManOwar - Anthology
Það verður að vera a.m.k. eitt metalcover á svona lista. Það voru mörg ManOwar cover sem komu til greina þangað til ég sá þetta. Hvað getur verið fyndnara en að syngja lög á borð við Sign of the Hammer, Metal Warriors og All Men Play on 10, allsberir og olíubornir í ógnandi stellingum.

Fyndnustu plötucoverin: no. 9

2005-12-13T12:00:00.000Z

Ashford & Simpson - The very best of Ashford & Simpson
Ashford og Simpson voru þekkt söngpar á 8. og 9. áratugnum, eitt þeirra frægasta lag var Solid (...solid as a rock). Ef horft er á einungis á konuna sést ekkert fyndið við þetta cover. Þetta er í raun ósköp venjulegt leiðinlegt cover, ef ekki væri fyrir gaurinn fyrir aftan konuna, beran að ofan með þetta líka stórkostlega glott og það virðist eins og hann sé að fara gera eitthvað við hana, búinn að klæða sig úr og hún veit ekkert hvað er að fara gerast. Hann á aðeins eftir að stinga...

Fyndnustu plötucoverin: no. 10

2005-12-12T15:43:00.000Z

Heino - Liebe Mutter
Þessi maður er víst rosalega stór í Þýskalandi, ég fann að minnsta kosti þrjátíu plötur með honum á Amazon. Heino spilar mjög skemmtilega sérþýska harmonikkutónlist. Á seinni plötucoverum er hann alltaf með sólgleraugu sem er skiljanlegt í ljósi þessa ógnvekjandi augnaráðs sem hér sést.

Hvað annað!!!

2005-12-01T14:35:00.000Z

You're Odin! The Allfather, the wise. You gave up
your eye in the pursuit of wisdom and hung for
days from the world tree to attain even more.
You feel that if you can just gain all the
wisdom in the world you will be able to prevent
Ragnarok.

Which Norse God are You?
brought to you by

Auðvitað er ég Óðinn, við erum báðir blindir á vinstra auga og ég held bara að ég viti þó nokkuð mikið meira núna en þegar ég var með sjón á báðum.

Dagur í lífi bókasafnsfræðinemans I: Sjálfsánægjan

2005-11-22T14:47:00.000Z

Dagur í lífi bókasafnsfræðinemans II: Efasemdir

2005-11-22T14:43:00.000Z

Dagur í lífi bókasafnsfræðinemans III: Óróleikinn

2005-11-22T14:27:00.000Z

Dagur í lífi bókasafnsfræðinemans IV: Geðveikin

2005-11-22T14:16:00.000Z

af aurum skuluð þið apar verða

2005-03-10T14:02:00.000Z

Ég er búinn að vera að hlusta á Rás 2 í allan dag og það er allt sjóðbullandi vitlaust þarna. Og engan skal undra því þessi ráðning á nýjum fréttastjóra Útvarpsins er eitthvað meira en lítið vafasöm. Ég skal ekkert um það segja hvort hún er af pólitískum toga en ekki er hún á faglegu nótunum. Sá einstaklingur sem var minnst hæfur í starfið var ráðin, maður sem hefur unnið við fjármálstjórnun síðustu árin. Hvað kemur fjármálastjórnun fjölmiðlum við? Þessi maður var sá eini er meirihluti Útvarpsráðs mælti með og tók það fram að hann hefði staðið sig einkar vel í sínu síðasta starfi. Það má vel vera en hann var ekki að vinna við fjölmiðla heldur bókhald. Þó að maðurinn hafi verið stjórnandi og vilji skipta um starfsvettvang verður hann að byrja á botninum eins og aðrir, hann getur ekki bara byrjað á því að verða stjórnandi á einhverju sviði sem hann hefur enga þekkingu á. Reyndar vann hann við fréttamennsku á Bylgjunni einhvern tíman í afleysingum, en það er engan veginn nóg reynsla fyrir svona starf. Aðeins áralöng reynsla við fjölmiðla ætti að vera fullnægjandi.
Þetta mat meirihluta Útvarpsráðs rímar vel við þróun sem átt hefur sér stað í þjóðfélaginu síðustu ár, þar sem það fólk sem vinnur við að handfjatla peninga er einhvern vegin orðið mikilvægasta fólkið í þjóðfélaginu. Ekki kennarar eða læknar eða ruslakallar (ímyndið ykkur hvað myndi gerast ef ruslakallar færu í verkfall í nokkrar vikur!) heldur verðbréfamiðlarar og bankastjórar. Peningaþekking er orðin dýrmætasta þekkingin í landinu og einhvern veginn það sem stjórnar öllu sem þegnar og ráðamenn þessa lands gera. Hversu kapitalísk erum við orðin? Bókhaldari er hæfasti einstaklingurinn til að verða fréttastjóri miklvægustu fréttastofu landsins. Þetta er rugl! Niður með peningavaldið!

LEGO

2005-03-08T23:00:00.000Z

Um daginn kom Þóra með þrjá risastóra kassa af legokubbum heim með sér úr vinnunni. Næstu þrjú kvöld eyddum við í arkitektúr, fagurfræðilegar pælingar og skipulag herbergja í húsunum okkar sem voru alltaf, sökum þess að kubbakassarnir virðast vera botnlausir, eins stór og hugsat gat. Ég bjóst hreinlega ekki við að ég gæti gleymt mér svona í þessu eins og raunin varð, þetta er nefnilega alveg eins gaman og þegar maður var lítill jafnvel skemmtilegra. Þó við höfum verið allt uppí 3 klukkutíma að klára sum húsin vill maður alltaf rífa þau niður fljótlega aftur til að geta byggt flóknara, stærra og flottara hús. Fyrir fullorðið fólk sem hefur mikla sköpunarþörf en veit ekki alltaf nákvæmlega hvernig það á að fullnægja henni þá er lego svarið. Þetta hefur virkað á mig eins og hálfgerð slökun, og síðustu daga hef verið endurnærður og afskaplega skýr í kollinum. Ég kláraði meir að segja verkefni fyrir skólann í dag sem ég á ekki að skila fyrr en eftir viku. Eitthvað sem ég hef ekki gert síðan ég var..., ja líklega bara aldrei.

Can take my eye

2005-02-11T15:21:00.000Z

Þegar ég var að bursta í mér tennurnar í gærkveldi datt mér í hug lítið myndbrot. Ég hafði stuttu fyrr verið að horfa á myndband í sjónvarpinu með Damien Rice. Frekar leiðinlegt lag sem ég veit ekki hvað heitir en í því endurtekur hann tregafullt línuna ,,can´t take my eyes offa you” aftur og aftur og aftur. Eins og sumir vita sem lesa þessa síðu þá er ég með gerviauga sem ég tek úr mér á kvöldin áður en ég fer að sofa, fyrir mér er þetta óskaplega hversdagsleg athöfn en fyrir örðum getur þettað virkað skrítið og jafnvel óðeðfellt. Þess vegna flaug mér í hug þetta myndbrot þar sem einhver gaur (leikin af mér af augljósum ástæðum) er inná baði hjá sér og er að eitthvað að dunda sér eins og gengur og gerist, hummandi þetta lag. Áhorfendur halda kannski að hann sé ástfanginn eða í ástorsorg en allt í einu en mjög hversdagslega tekur hann út úr sér augað og leggur það frá sér á vaskinn eins og ekkert sé eðlilegra. Held að þetta gæti orðið nokkuð kröftugt atriði. Vekur upp ýmsar spurningar eins og hvað er eðlilegt og hvað er hversdagsleiki?

Timburmenn

2005-02-05T01:32:00.000Z

Um áramótin ákváðum við Þóra að hætta að reykja. Við höfum staðið við það að einhverju leyti. Við erum alveg hætt þessum dagreykingum og laus við þessa kvöð að þurfa sífellt að eiga sígarettur. Hins vegar höfum við verið að stelast í að reykja um helgar með því að við fáum okkur í glas. Sem er bara fínt fyrirkomulag, það gerir það einhvern veginn auðveldara að reykja ekki hversdagslega þegar maður veit að maður getur stolist í eina og eina þegar svo ber undir. Það undarlega við þennan rúma mánuð sem liðin er síðan við hættum að við erum bæði búinn að vera mikið kvefuð og slöpp og jafnvel lagst í rúmið af og til. Ég tengi þetta beinlýnis því að við erum hætt að reykja því fyrir jól urðum við aldrei veik og ekki einu sinni örlítið slöpp. Nú mundu sumir vinir mínir segja að ég væri að réttlæta fyrir sjálfum mér að byrja að reykja aftur, en svo er ekki í þetta sinn. Ég held nefnilega að nú þegar líkaminn fær ekki sitt vanalega tóbak, losni um allt það eitur og óþverra sem búin er að safnast upp í kringum árin. Þetta beinlýnis flæðir úr manni í allskonar formum og litum og þess vegna erum við búinn að vera svona slöpp. Og nú enn einu sinni er ég orðinn rúmfastur vegna kvefs og slappleika og það á föstudegi, hrikalegt ástand alveg. Nema þetta séu timburmenn eftir alla geitamjólkina í gærkveldi.

Í minningu heilags Frances

2005-02-04T06:34:00.000Z

Í tilefni að því að í dag er st. Frances dagur datt mér í hug að byrja á þessu bloggi aftur eftir langt hlé. En fyrir þá sem ekki vita var heilagur Frances gerður að dýrlingi á Spáni eftir frækna för hans með hinn heilaga kaleik yfir Pýrenafjöll á öndverðri 11. öld. Frances þessi var farandpredikari og í klaustri einu í Andorra fann hann hinn heilaga kaleik sem þá hafði verið týndur og tröllum gefin um skeið. Munkunum í klaustrinu var mjög annt um kaleikinn og neituðu alfarið að hann yrði færður fyrir Jimenez Kardinála. Það var Frances ráðgáta hvers vegna munkarnir höfðu þagað yfir þessu leyndarmáli sínu svo lengi. Í skjóli nætur hnuplaði Frances kaleiknum og lagði á flótta. En munkarnir urðu hans varir og veittu honum skjóta eftirför. Eftir þriggja sólahringa flótta var Frances aðframkominn af þorsta og þreytu. Sér hann þá geit á beit þar skammt frá. Hann bregður á það ráð að mjólka út geitinni beint í hinn heilaga kaleik. Er hann hafði drukkið fylli sína finnur hann fyrir guðdómlegum ógnarkrafti, þrífur geitina á bak sér, hleypur suður yfir fjöllinn og unir sér ekki hvíldar (nema rétt til að súpa úr geitinni) fyrr en hann stendur frammi fyrir Kardinálanum. Var þetta síðan kallað hið mikla kraftaverk Francesar. En ekki vildi betur til en svo og að sjö vikum eftir fund kaleiksins réðust Márar á Spán og hrifu kaleikin með sér. Síðan hefur ekkert til hans spurst. Þrátt fyrir það var Frances gerður að dýrlingi og til minningar um hann þjóra Spánverjar geitamjólk úr gull-kaleikum hvert ár á þessum degi. Skál.